Postes de créole pour l'enseignement primaire en Guadeloupe

Nou, moun a CCBH (Collectif pour le Créole au Bac dans l'Hexagone), é sosyété (asosyasyon) ERITAJ, ka voyé on bèl fòs pou mouvman-lasa pran balan pou prézèrvé lang é kilti Gwadloup, rèdè-y touvé plas a-y ki ta-y adan lansèyman. Nou érityé lang kréyòl, jénérasyon jòdi andwa goumé ba-y pou jénérasyon dèmen touvé on lang byen chouké, kanpé, é gyòk. Krèy wouvèzyé-lasa dwètèt véyatif mé i ké fò-y, adan on dézyenm dékatman travay pou désiné on larèl divini ba lang-la adan tout sosyété Gwadloup. Nou bouzen on politik langannistik jénéral ki adan lansèyman, ladministrasyon, ki adan dévlòpman kiltirèl, ékonomik é sosyal a péyi Gwadloup. Annou koumansé liyanné fòs an-nou kèlkanswa la nou yé asi latè pou défann lang kréyòl, éritaj fondal an-nou, éritaj fondal a Limanité.